Sanctuary; Everything is A Story (കഥകള്‍ ഇഷ്ട്ടപ്പെടുന്നവര്‍ക്ക് വേണ്ടി)

  “ബോധം “ (consciousness)ഉണ്ട് എന്നതിൽ തർക്കം ഇല്ല . മരണശേഷം പലപ്പോഴും "ആത്മാവ്" എന്ന് വിളിക്കപ്പെടുന്ന ബോധത്തിന്റെ ഊർജ്ജത്തിന് എന്ത് സംഭവിക്കും എന്ന ചോദ്യം ശാസ്ത്രം, തത്ത്വചിന്ത, ആത്മീയത എന്നിവയുമായി  ഇടകലർന്ന് ചർച്ചചെയ്യപ്പെടാറുമുണ്ട്.  ശാസ്ത്രീയ സിദ്ധാന്തങ്ങളെയും മതപരമായ ആശയങ്ങളുമായുള്ള അവയുടെ സാധ്യതയും വിന്യാസവും ഒക്കെ കൂട്ടി കലക്കി ഉള്ള ചില ചിന്തകൾ ആണ് പറയാൻ ആഗ്രഹിക്കുന്നത്.  ഊർജ്ജമെന്ന നിലയിൽ ബോധത്തെക്കുറിച്ചുള്ള ശാസ്ത്രീയ വീക്ഷണങ്ങൾ ; ഊർജ്ജത്തെ നശിപ്പിക്കാൻ കഴിയില്ല, രൂപാന്തരപ്പെടുത്താൻ മാത്രമേ കഴിയൂ എന്നതൊക്കെ ആധുനിക ശാസ്ത്രം അംഗീകരിക്കുന്നു (law of energy conservation) “ബോധം”ഊർജ്ജവുമായി ബന്ധപ്പെട്ടതാണെങ്കിൽ, (അത് നമുക്ക് അറിയില്ല ) അത് മരണാനന്തരവുമായി ബന്ധപ്പെട്ട ചോദ്യങ്ങൾ ഉയർത്തുന്നുണ്ട്.  സമീപ കാല ശാസ്ത്രീയ കണ്ടുപിടുത്തങ്ങൾ , ഫിസിക്സുമായി ബന്ധപ്പെട്ട നവീന കണ്ടെത്തലുകൾ ക്വാണ്ടം സിദ്ധാന്തങ്ങളിൽ ഉണ്ടായ സമീപ പഠനങ്ങൾ കാണിക്കുന്നത് , ചില ഭൗതികശാസ്ത്രജ്ഞർ നിർദ്ദേശിക്കുന്നത് , നമ്മുടെ ബോധത്തിൽ ക്വാണ്ടം പ്രക്രിയകൾ (ഉദാ. തരംഗ-കണിക ദ്വന്ദ്വത, ബന്ധങ്ങൾ ) ഉൾപ്പെട്...

  എത്ര പ്രോ ആക്റ്റീവ് ആണ് ഫ്രാൻസിസ് മാർപാപ്പ . കൃത്യമായ നിലപാടുകൾ കൊണ്ട് തികച്ചും പൊളിറ്റിക്കൽ മനുഷ്യൻ. 2000 വർഷം പഴക്കമുള്ള കത്തോലിക് ചർച്ചിൽ വന്നതിൽ വച്ച് ഏറ്റവും നല്ല പോപ്പ് . ഫലസ്തീൻ  വിഷയത്തിൽ അടക്കം , പോപ്പ് സ്വീകരിച്ച നിലപാടുകൾ തികച്ചും മനുഷ്യ പക്ഷത്ത് തന്നെ ആയിരുന്നു .  ഏത് പാരമ്പര്യത്തിൽ നിന്നാണ് അദ്ദേഹം ഈ നിലപാടുകൾ എടുക്കുന്നത് എന്ന് മ നസ്സി ലാക്കേണ്ടത് അത്യാവശ്യമാണ്. ഈ വർഷം -2025 വരെ കണക്ക് എടുത്താൽ -1961 വർഷം പാരമ്പര്യം ഉള്ള , 266 പോപ്പ് മാർ ഭരിച്ച കത്തോലിക്ക സഭ എന്ന ലോകത്തിലെ ഏറ്റവും ശക്തമായ, ധനികരായ , ലോകത്തിലെ ഏറ്റവും വലിയ പ്രസ്ഥാനത്തിൽ - ഏറ്റവും മാന്യനായ പോപ്പ് , മറ്റ് മതങ്ങളുമായി ഏറ്റവും ചേർന്ന് പോകുവാനും ചേർത്ത് നിർത്തുവാനും തയ്യാറായ പോപ്പ് , മുസ്ലിംങ്ങൾ നമ്മുടെ സഹോദരൻ ആണ് എന്ന് പ്രഖ്യാപിക്കാൻ  ധൈര്യം കാണിച്ച പോപ്പ്. ഫലസ്തീൻ മനുഷ്യർക്ക് ഒപ്പം മാത്രമാണ് ഞാൻ എന്ന് അസന്നിഗ്ദ്ധം വ്യക്തമാക്കിയ പോപ്പ് . നല്ല മനുഷ്യൻ ആകാൻ ദൈവത്തിൽ വിശ്വസിക്കണം എന്നില്ല എന്ന് പറഞ്ഞ പോപ്പ് , കമ്യുണിസം മനുഷ്യ സ്നേഹമാണ് എന്ന് പറഞ്ഞ പാപ്പ , ആദത്തിനെയും ഹവ്വയെയും ഒക്കെ...

  Joe Joseph സൈനിക ചരിത്രത്തിലെ ഏറ്റവും വിചിത്രമായ സംഘർഷങ്ങളിലൊന്നാണ് 1932-ൽ പടിഞ്ഞാറൻ ഓസ്ട്രേലിയയിൽ നടന്നത് . ഓസ്ട്രേലിയൻ സർക്കാർ യന്ത്രതോക്കുകളുമായി പരിപൂർണ്ണ യുദ്ധ സജ്ജരായ സൈനികരുടെ ഒരു യൂണിറ്റ്നെ  തന്നെ അപൂർവ്വത്തിൽ അപൂർവ്വം ഒരു ശത്രുവിനെ നേരിടാൻ അയച്ചു ; ആയിരക്കണക്കിന് എമു പക്ഷികൾ ആയിരുന്നു ആ മഹാ ശത്രുക്കൾ . ആസ്ട്രേലിയയുടെ ചരിത്രത്തിൽ ഇത് അറിയപ്പെടുന്നത് "ഗ്രേറ്റ് എമു യുദ്ധം" എന്ന പേരിലാണ്. ഈ യുദ്ധത്തിന്റെ ഏറ്റവും രസകരമായ വശം എന്തെന്നാൽ ലോക മിലിറ്ററി ചരിത്രത്തിൽ തന്നെ ഒരു പട്ടാള ഫോഴ്സ് പക്ഷികളോട് തോറ്റ് തുന്നംപാടിയത് ആദ്യമായി ആസ്ട്രേലിയയിൽ തന്നെയാണ് . പക്ഷികളുടെ തന്ത്രപരമായ യുദ്ധത്തിന് മുന്നില്‍ സൈനികർ പരാജയപ്പെട്ടു. ഇത് സൈനിക ചരിത്രത്തിലെ ഏറ്റവും അപമാനകരമായ പരാജയങ്ങളിലൊന്നായി അറിയപ്പെടുന്നു.  ഒന്നാം ലോകമഹായുദ്ധത്തിന് ശേഷം ആണ് സംഭവം നടക്കുന്നത്. ലോക മഹായുദ്ധം കഴിഞ്ഞു വന്ന പട്ടാളക്കാർക്ക് സർക്കാർ പടിഞ്ഞാറൻ ഓസ്ട്രേലിയയിൽ കൃഷിനിലങ്ങൾ സൗജന്യമായി പതിച്ചു നൽകിയിരുന്നു. രാജ്യത്തിന് ആവശ്യമായ  ധാന്യങ്ങൾ ഉത്പാദിപ്പിക്കുവാനും ഗോതമ്പ് കൃഷി ഊർജ്ജിതമാക്കുവാനും ഉദ്ദേശിച്ചായിരു...

“വൃക്ഷങ്ങളുടെ രഹസ്യജീവിതം” " The Hidden Life of Trees " ജർമ്മനിയിലെ ഈഫൽ പർവതനിരകളിലെ പതിറ്റാണ്ടുകളുടെ അനുഭവങ്ങളില്‍ നിന്ന് ലോകപ്രശസ്ത ജര്‍മന്‍ എഴുത്തുകാരനും വനപാലകനും ആയ പീറ്റർ വോൾബെൻ എഴുതി വ്യാപകമായി ചര്‍ച്ചചെയ്യപ്പെട്ട ഇക്കോ- ട്രയോളജി പുസ്തകങ്ങളില്‍ ഒന്നാണ്,  “വൃക്ഷങ്ങളുടെ രഹസ്യജീവിതം” (" The Hidden Life of Trees )ഭാര്യയുടെ നിര്‍ബന്ധത്തിനു വഴങ്ങി അനുഭവം പുസ്തകമാക്കിയ പീറ്റര്‍ 8 ലക്ഷം കോപ്പികള്‍ ജര്‍മ്മന്‍ ഭാഷയില്‍ തന്നെ വിറ്റഴിയുന്ന മാജിക്ക് കണ്ട് ഞെട്ടി. വനവൽക്കരണമെന്ന പരമ്പരാഗത ചര്‍വ്വിതചര്‍വ്വണം വിട്ട് വനങ്ങളുടെ ശാസ്ത്രീയവും വൈകാരികവുമായ വശങ്ങളിലേക്ക് ആഴ്ന്നിറങ്ങി അതിന്‍റെ പുരാതന ആവാസവ്യവസ്ഥയെയും മറഞ്ഞിരിക്കുന്ന രഹസ്യങ്ങളെയും പരസ്പര ബന്ധങ്ങളെയും നിർവചിക്കാന്‍ ശ്രമിക്കുകയാണ് പുസ്തകം. ശാസ്ത്രീയ ഉൾക്കാഴ്ചകളെ നാട്ടുക്കൂട്ട സന്ധ്യകളിലെ കഥപറച്ചിൽ പോലെ ലളിതമാക്കിയ രസകരമായ രചനാശൈലിയിലൂടെ, ആധുനിക സമൂഹം ഇനിയും മനസ്സിലാക്കിയിട്ടില്ലാത്ത പ്രകൃതിയുടെ അത്ഭുതങ്ങൾ പര്യവേക്ഷണം ചെയ്യാനും പരിസ്ഥിതിയുമായുള്ള ബന്ധം പുനർവിചിന്തനം ചെയ്യാനും അദ്ദേഹം വായനക്കാരെ ക്ഷണിക്കുകയാണ്.   കാടി ന...

  നൂറ്റാണ്ടുകളായി ശാസ്ത്രജ്ഞരെയും ഡോക്ടർമാരെയും ആശയക്കുഴപ്പത്തിലാക്കിയ കൗതുകകരമായ ഒരു പ്രതിഭാസമാണ് “പ്ലസിബോ ഇഫക്റ്റ്.” ( Placebo Effect) ചികിത്സ എന്നത് യഥാര്‍ത്ഥത്തില്‍ ഇല്ലാതെ തന്നെ, അല്ലെങ്കിൽ യാതൊരു യുക്തിയും ഇല്ലാത്ത ചികിത്സ ആണെങ്കിലും അത് ഒരു രോഗിയിൽ ഉണ്ടാക്കുന്ന പ്രയോജനകരമായ ഫലങ്ങളെ പൊതുവില്‍ “പ്ലസിബോ ഇഫക്റ്റ്” എന്ന് പറയാം.ഗുളിക ആണെന്ന് പറഞ്ഞ് മിഠായി കൊടുത്തിട്ട് തലവേദന മാറിയ സംഭവങ്ങള്‍ ഉണ്ട്. മദ്യം മിക്സ് ചെയ്തത് എന്ന് പറഞ്ഞു സാദാ കൊക്കകോള കൊടുത്തിട്ട് അത് കുടിച്ച് പൂസായവര്‍ ഉണ്ട്. മരുന്നാണ് എന്ന് പറഞ്ഞ് ഏതോ ഇല തിന്നിട്ട് അസുഖം മാറിയ രോഗികള്‍ ഉണ്ട്. പ്രേതങ്ങള്‍ ഉണ്ട് എന്ന് ആളുകള്‍ വിശ്വസിക്കുന്ന സ്ഥലങ്ങളില്‍ ആരെങ്കിലും അവയെ കണ്ടിട്ടുണ്ടാവും.   നമ്മുടെ പല വൈദ്യന്‍മാരും വിഷഹാരികളും പാരമ്പര്യ മര്‍മ്മാണി ചികിത്സകരും നാട്ടിന്‍പുറങ്ങളില്‍ ഉള്ള ഞരമ്പ്, അസ്ഥി,മസില്‍ , പിടിച്ചിടല്‍ വിദഗ്ദരും ജീവിച്ചുപോകുന്നത് കൃത്യമായ ശാസ്ത്രീയ വിശദീകരണം ഇല്ലാത്ത പ്ലസിബോ കൊണ്ട് തന്നെയാണ്. മറ്റൊരു വിധത്തിൽ പറഞ്ഞാൽ , ശരീരത്തെ സുഖപ്പെടുത്താനുള്ള മനസ്സിന്‍റെ ശക്തിയാണ് പ്ലാസിബോ. വൈദ്യശാസ്ത്ര...

യോജിച്ച കഥാബീജം ആണെങ്കിലും ഇതില്‍ ആത്മകഥാംശം അശേഷം ഇല്ല എന്ന് ആദ്യമേ ഉറപ്പ് തരുന്നു. ലോകത്തിലെ അനേകം പക്ഷികളും ജീവികളും അക്ഷരലോകത്ത് വാഴ്ത്തപ്പെടുകയും അവയുടെ ചരിത്രങ്ങള്‍ എഴുതപ്പെട്ട രേഖകള്‍ ആകുകയും ചെയ്യുമ്പോള്‍ കാണാന്‍ അത്ര മോഞ്ചില്ലാത്തത് കൊണ്ടാവും ,   കോഴികള്‍ അവഗണിക്കപ്പെടുന്നത് കണ്ടുള്ള തീവ്രദുഖത്തില്‍ നിന്നുണ്ടായ സ്വാഭാവിക പ്രതിഷേധം അറിയിക്കുക, തങ്ക ലിപികള്‍ കിട്ടിയില്ലെങ്കില്‍ വേണ്ട മിനിമം ഒരു അലുമിനിയം ലിപിയില്‍ എങ്കിലും കോഴിചരിത ത്തിന് ഊന്നല്‍ കൊടുക്കുക എന്നിവയാണ് പ്രചോദനം.   കോഴി എന്ന് കേള്‍ക്കുമ്പോള്‍ സ്വാഭാവിക പുച്ഛം ആയിരുക്കും മനസ്സില്‍ ? ജാതിവ്യവസ്ഥയുടെ പ്രശനം. വൃത്തിയും വെടിപ്പും അത്ര ഇല്ലാ ത്ത ശരീരവുമായി വീടിനു ചുറ്റും അലഞ്ഞു തിരിഞ്ഞു നടക്കുന്ന ടച്ചിങ്ങ്സ് ആണ് പലര്‍ക്കും കോഴി. എന്നാൽ അനേക വര്‍ഷങ്ങളുടെ പാരമ്പര്യവും മഹിമയും ചരിത്രവും പറയാനുണ്ട് ഓരോ   കോഴികള്‍ക്കും. കൊഴിഞ്ഞുപോയ സംസ്കാരങ്ങളെയും തലമുറകളെയും രാജ്യങ്ങളെയും ഗോത്രങ്ങളെയും എല്ലാം സ്വാധീനിച്ചുകൊണ്ട് കോഴികള്‍ ഇന്നുവരെ നടത്തിയ ജൈത്ര യാത്ര സങ്കൽപ്പിക്കാവുന്നതിലും വളരെ ആകർഷകമാണ്. നാണം കുണുങ്...