Zorba the Greek പുസ്തക പരിചയം: Zorba the Greek

 

Zorba the Greek

പുസ്തക പരിചയം: Zorba the Greekഗ്രീക്ക് എഴുത്തുകാരൻ നിക്കോസ് കസാൻസാക്കിസിന്റെ രചന. "The last temptation of Jesus Christ  എഴുതിയ അതേ തൂലിക.ആധുനികലോക സംസ്കാരങ്ങളുടെ മടിയിൽ നിന്ന്, ഗ്രീസിലെ ക്രെട്ടെയിൽ ജനിച്ച കഥ. ഒരിക്കലും മടക്കി വെക്കാൻ തോന്നാത്ത പുസ്തകം എന്ന് ചുരുക്കിപ്പറയാം സോർബയെക്കുറിച്ച്. സാർത്രിൽ തുടങ്ങി, ഫ്രെഡറിക്ക് നീച്ചയിലും സോറൻ കീർക്കഗാർഡിലും കൈമറിഞ്ഞ അസ്തിത്തവാദ ചിന്തകളാണ് ജീവിതം പോലെ സോർബയിലും നിറഞ്ഞ് നിൽക്കുന്നത്.  ദുഖ സാന്ദ്രമാണ് പുസ്തകം, സോർബയും എഴുത്തുകാരനും അടക്കം. വായനക്കാരന് മറ്റൊന്നാവാൻ തരമില്ല. സോർബ വലിയൊരു വിലാപമാണെന്ന് പറയാം. മനുഷ്യനും ദൈവവും തമ്മിലുള്ള ഏറ്റവും കഠിനമായ - ജീവിതം എന്ന പ്രഹേളികയെപ്പറ്റി- യുദ്ധത്തെപ്പറ്റിയുള്ള പുസ്തകം. സോർബ ഒരു പ്രതിഭാസമാണെന്ന് പറയാം. നാട്ടിൻ പുറങ്ങളിൽ അപൂർവ്വം  കണ്ടുവരുന്ന വ്യക്തികളിൽ സോർബയെ കാണാം നമുക്ക്.പ്രതിബന്ധങ്ങൾക്ക് മുകളിലൂടെ ഹൈജംബ് ചെയ്യുന്നവരെ പിന്നെയും പിന്നെയും തോൽക്കാതെ അസ്തിത്തം പണയം വെക്കാതെ പ്രതീകമായി - ഊർജ്ജമായി നിലനിൽക്കുന്ന അനേകം സോർബമാരെ. പറയാൻ അത്ര കേമമല്ലെങ്കിലും കലങ്ങി മറിഞ്ഞ നശിച്ചഭൂതകാലവും ഓർമ്മകളും മാത്രമുള്ള സോർബ. അയാൾക്ക് ലോകത്തോട് പായാൻ ഒരു ഫിലോസഫിയോ വിശ്വാസമോ ഇല്ല. ഒന്ന് മാത്രം - നിറഞ്ഞ് ജീവിക്കുക. നിന്റെ ജീവിതത്തെ വിലയിരുത്തുന്നതും കണക്കെഴുതുന്നതും സന്തോഷിക്കുന്നതും നരകിക്കുന്നതും  നീ മാത്രം. നിന്റെ മാത്രം സ്വത്താണ് നിന്റെ ജീവിതം. നീ ദുഖിച്ചാലും സന്തോഷിച്ചാലും നിനക്ക് മാത്രമായി ലഭിച്ച സമ്മാനം. തന്നവൻ ചോദിക്കില്ല എന്തു ചെയ്തു എന്ന്. ചോദ്യം എങ്ങനെ ഉണ്ടായിരുന്നു എന്ന് മാത്രമായിരിക്കും. ജീവിക്കൂ കാരണം മരിച്ചു കഴിഞ്ഞാൽ പിന്നെ നമ്മൾ ജീവനോടെ ഇല്ലല്ലോ. ഗണിച്ച് ,ഹരിച്ച് ,കുറച്ച് ,കൂട്ടി ജീവിതം ഒന്നും തരില്ല എന്ന് സോർബ കാണിച്ച് തരുന്നു..ഓരോ നിമിഷങ്ങളിലാണ് ജീവിതം അതിന്റെ രഹസ്യങ്ങൾ ഒളിപ്പിച്ച് വെച്ചിരിക്കുന്നത് . ഓർത്താൽ ജീവിക്കാൻ കൊള്ളാത്തതാണ് ജീവിതമെന്നും അതുകൊണ്ട് ഓർക്കരുത് വാ പോകാം എന്നും സോർബ വിളിക്കുന്നു.. ഗ്രീക്ക് പോരാളി യൂളിസിസിനെപോലെ ജീവിതം അതിന്റെ മട്ടുവരെ കുടിക്കാൻ പറയുന്ന സോർബ. വിലാപങ്ങളും സാഹസികതയും, ത്രില്ലും ഒക്കെ കൂടി നാം കണ്ടിട്ടും അനുഭവിക്കാത്ത ഒരു ലോകം.. അത് നമുക്ക് ഒരുക്കിയിരിക്കുന്ന വഴികൾ. അങ്ങനെ അനന്ദമാണ് സോർബയുടെ വഴികൾ. നമ്മുടെതും.പക്ഷെ അയാൾക്ക് അതറിയാം .. നാം തിരിച്ചറിഞ്ഞിട്ടില്ല. പച്ച മനുഷ്യനാണ് സോർബ, പ്രണയം സംഗീതം ,പ്രീയപ്പെട്ടവർ, നൃത്തം അങ്ങനെ അയാളുടെ ലോകം വിശാലവും വിചനവും. ഏറ്റവും നല്ല കാമുകൻ, ഏറ്റവും നല്ല സുഹ്രുത്ത്, ധീരൻ, പാചകക്കാരൻ, തൊഴിലാളി, കഥാകാരൻ, സോർബ കഥപറയുന്നത് കേട്ടാൽ കേട്ടിരുന്ന് പോകും നമ്മൾ., നർത്തകൻ, കൂലിപ്പണിക്കാരൻ - ഇതെല്ലാം സോർബ യാണ് സോർബയ്ക്കേ പറ്റൂ.. പണക്കാരനും ,താത്വികനും സമൂഹത്തിൽ മാന്യനുമായ എഴുത്തുകാരന്റെ ഖനിയുടെ മാനേജർ ആണ് അയാൾ. പക്ഷെ എഴുത്തുകാരൻ ജീവിതം പഠിക്കാൻ തുടങ്ങുന്നു സോർബയിലൂടെ. സമൂഹത്തെ അറിയുക. സാമൂഹിക ജീവിതത്തെക്കാൾ വലിയ സ്വർഗ്ഗം ഇല്ല' ഒറ്റപ്പെട്ടതുരുത്തുകളായി സമ്പാദിക്കുന്നതിലല്ല ജീവിതം എന്ന് കസാൻസാക്കിസ് കാണിച്ചുതരുന്നു. മാഡം ഹോർട്ടൻസെയുമായുള്ള താത്കാലിക പ്രണയം തന്നെ സോർബ എന്ന മനുഷ്യനെ അയാൾ പ്രതിനിധാനം ചെയ്യുന്ന ലോകം കാണിക്കാൻ  ഉദാഹരണം. എഴുത്തുകാരനും സോർബയും എത്തിച്ചേരുന്ന ക്രെറ്റെയിൽ വിധവയാണ് മാഡം. ഏതൊരു പുരുഷനും ആഗ്രഹിക്കുന്ന കൊതിക്കുന്ന വലിയ നിതംബങ്ങൾ ഉള്ളവൾ, മദ്ധ്യ വയസ്ക്ക,വലിയ മുലകളും തൃഷ്ണയും ഉള്ളവൾ . വിധേയ ആകാതെ തന്റെ കാമത്തിന് പുരുഷനെ തേടി അവനെ കീഴ്പ്പെടുത്തുന്ന പച്ചയായ സ്ത്രീ. സ്ത്രീത്തവും പുരുഷത്തത്തിന് ഒപ്പം നിൽക്കും എന്ന് കാണിച്ചവൾ. സോർബയ്ക്ക് മല്ലിപ്പൂവിന്റെ മണമാണ്ണ് -മാന്യത പുറമെ പറയാത്ത പരമമാന്യൻ മാത്രമായ പാവം മനുഷ്യനകുമ്പോൾ അയാൾക്ക് ആൾമണ്ട് പൂക്കളുടെ മണമായിരിക്കും എല്ലാ രാത്രികളിലും മുയലുകളെ ചുട്ട് തിന്നുമ്പോൾ . എന്നും കാമിനികളെ തേടി പോകുമ്പോൾ സോർബയ്ക്ക് ജീവിതത്തിന്റെ മണമാണ്. പ്രണയിനി ആളുകളുടെ കൈയിൽ മരിക്കുമ്പോഴും. വായിച്ച് കഴിയുമ്പോൾ പുസ്തകം പറയുന്നത് ഇതായിരിക്കും: ' "ചുമ്മാ പുസ്തകം വായിച്ചിരിക്കാതെ ജീവിക്കാൻ നോക്ക് ബോസ്സ് ' " ( zorba the Greek.) 

ഈ ബ്ലോഗിൽ നിന്നുള്ള ജനപ്രിയ പോസ്റ്റുകള്‍‌

ഗോലിയാത്തൻ കാലടികൾ. ജോ ജോസഫ് മുതിരേരി

ഇമേജ്
  മഹാത്ഭുതമാണ്കാൾ  ബുഷ്ബി എന്ന    ബ്രിട്ടീഷ്   പൗരൻ. ആദ്യമായി കപ്പലിൽ ഭൂമിയെ ചുറ്റി സഞ്ചരിച്ച മനുഷ്യൻ ഫെർഡിനന്റ് മജെല്ലൻ (മഗല്ലൻ എന്നല്ല പേര് ) ആണെന്ന് നാം സ്കൂളിൽ പഠിച്ചിട്ടുണ്ട്,പക്ഷേ വാസ്തവത്തിൽ മജെല്ലൻ ഭൂമിയെ ചുറ്റി സഞ്ചരിച്ചിട്ടില്ല , പ്ലാൻ ഇട്ടു യാത്ര തുടങ്ങി എന്ന് മാത്രം , വഴിയിൽ വച്ച് , 1522 ൽ ഫിലിപ്പീൻസിലെ ഗോത്ര വർഗ്ഗക്കാരുമായുള്ള യുദ്ധത്തിൽ കൊല്ലപ്പെട്ട മജെല്ലനെ ഫിലിപ്പീൻസിൽ തന്നെയാണ് അടക്കം ചെയ്ത് , പിന്നീട് അദ്ദേഹത്തിന്റെ ക്യാപ്റ്റൻ ഹുവാൻ സെബാസ്റ്റ്യൻ ആണ് ആ യാത്ര പൂർത്തിയാക്കിയത് .  എന്നാൽ ഭൂമി  കാൽനടയായി മാത്രം വലംവെക്കുന്ന ആദ്യ മനുഷ്യനാകുക എന്ന ലക്ഷ്യത്തോടെ 1998- ൽ   ചിലിയുടെ   തെക്കേ   അറ്റത്തുനിന്ന്  ആരംഭിച്ച്, മൂന്ന് പതിറ്റാണ്ടുകൾ ആയി , 58,000/ കിലോമീറ്റർ നടന്ന് ഭൂമിയെ ചുറ്റി  തന്റെ   സ്വന്തംവീടായ ഇംഗ്ലണ്ടിലെ   ഹൾ  ലക്ഷ്യമാക്കി ഇപ്പോഴും നടന്നുകൊണ്ടിരിക്കുന്ന മനുഷ്യൻ ആണ് കാൾ ബുഷ്ബി, 2026 ൽ അദ്ദേഹം ആ യാത്ര പൂർത്തിയാക്കും. നിലവിൽ തുർക്കിവഴി യൂറോപ്പിലേക്ക് പ്രവേശിച്ച് ഫ്രാൻസ് ലക്ഷ്യമാക്കി നടക്കുകയാണദ...
കൂടുതൽ‍ വായിക്കൂ

അഹമ്മദ് ഇബ്നു ഫദ്ലാന്റെ യാത്രകൾ ; ഒരു വൈകിംഗ് അന്ത്യയാത്ര. ജോ ജോസഫ്

ഇമേജ്
  (ഇബ്ൻ ഫാദ്ലാ ൻ്റെ  യാത്രാ വിവരണങ്ങളിൽ നിന്ന്. 10 ആം നൂറ്റാണ്ട്: അദ്ദേഹം കണ്ട വൈക്കിംഗ് ഗോത്രങ്ങൾ : വോൾഗ ബൾഗർസ് (Volga Bulgars) & റാസ് Rus(today’s west Russia ) AD 922, തണുത്ത വോൾഗ നദിയുടെ മഞ്ഞുവീണു മരവിച്ച തീരത്ത്, അബ്ബാസി ഖലീഫയുടെ ദൂതനായി എത്തിയ അഹ്മദ് ഇബ്ൻ ഫദ്ലാൻ ചരിത്രത്തി ൻ്റെ  താളുകളിൽ എന്നെന്നേക്കുമായി പതിക്കപ്പെട്ട ഒരു അപൂർവ കാഴ്ച്ചക്ക് സാക്ഷിയായി , ചരിത്രത്തിലെ കുപ്രസിദ്ധരായിരുന്ന അനേകം വൈക്കിംഗ് ഗോത്രങ്ങളിൽ ഒന്നിൽ ഒരു വൈകിംഗ് ഗോത്രതലവൻ മരിച്ച ദിവസം ആയിരുന്നു അന്ന്.  ശവക്കുഴി “രാജാവി ൻ്റെ  അധികാരങ്ങൾ ഉള്ള ഗോത്രതലവൻ  മരിച്ചപ്പോൾ, അദ്ദേഹത്തി ൻ്റെ  ശരീരം പത്തു ദിവസത്തേക്ക് താൽക്കാലികമായൊരു ശവക്കുഴിയിൽ സ്ഥാപിച്ചു. ഈ സമയത്ത്, അദ്ദേഹത്തി ൻ്റെ  സ്വർഗ്ഗ യാത്രയ്ക്കായി അണികൾ വസ്ത്രങ്ങൾ തയ്ക്കുകയും, ഒരു യോദ്ധാവിന് നൽകേണ്ട യോഗ്യമായ വിടവാങ്ങലിനുള്ള തയ്യാറെടുപ്പുകൾ ആരംഭിക്കുകയും ചെയ്തു. ഒരിക്കൽ ഓളപരപ്പുകളെ കീറി മുറിച്ച് യാത്രചെയ്തിരുന്ന അദ്ദേഹത്തി ൻ്റെ  കപ്പൽ കരയിലേക്ക് വലിച്ചെത്തിച്ച്, അതിനെ ഒഴുകുന്ന ശവകുടീരമാക്കി ഒരുക്കിയിരുന്നു. എന്നാൽ ഏറ്...
കൂടുതൽ‍ വായിക്കൂ

ലോകമെമ്പാടുമുള്ള പെരുമാറ്റശീലങ്ങളിൽ മൂന്ന് അടിസ്ഥാന വ്യത്യാസങ്ങൾ. Joe Joseph

ഇമേജ്
വ്യത്യസ്ത അന്താരാഷ്ട്ര സംസ്കാരത്തിൽ നിന്നുള്ള ആളുകളുമായി ഇടപഴകി പ്രവർത്തിക്കേണ്ടി വരുമ്പോൾ ഇവ നിങ്ങൾക്ക് വളരെ ഉപയോഗപ്രദമാകും. അഭിസംബോധന  ഒരു പരിശീലന കോഴ്സിൽ ഈ വിഷയം ചർച്ച ചെയ്യുമ്പോൾ,   ഡോക്ടറേറ്റ് ഡിഗ്രിയുള്ള വ്യക്തി തന്റെ ബിസിനസ്സ് കാർഡിൽ ഡോക്ടർ എന്ന പദവി ചേർക്കുന്നത് ഉചിതമാണോ എന്നതിനെപ്പറ്റി ഒരു ജർമ്മൻ പരിശീലനാർത്ഥിയും ഒരു ബ്രിട്ടീഷ് പരിശീലനാർത്ഥിയും തമ്മിൽ തീവ്രമായ വാദപ്രതിവാദങ്ങൾ ഉണ്ടായി.  മെഡിക്കൽ ഡോക്ടറല്ലാത്ത ആരെങ്കിലും 'ഡോക്ടർ' എന്ന് സ്വയം വിളിക്കുന്നത്  അഹങ്കാരവും താൻപോരിമയും ആണെന്നായിരുന്നു   ബ്രിട്ടീഷ് ട്രെയിനിയുടെ  നിലപാട്. എന്നാൽ ജർമ്മൻ പരിശീലനാർത്ഥി എതിർത്തു: ആ PhD ഡിഗ്രി നേടാൻ ചെലവഴിച്ച കഠിനാദ്ധ്വാനവും വർഷങ്ങളുടെ വിദ്യാഭ്യാസവും അവർക്ക് 'ഡോക്ടർ' എന്ന് വിളിക്കപ്പെടാനുള്ള എല്ലാ  അവകാശം നൽകുന്നുവെന്നായിരുന്നു അദ്ദേഹത്തിന്റെ വാദം. ചെറുതും എളുപ്പത്തിൽ അവഗണിക്കപ്പെടാവുന്നതുമായി കരുതപ്പെടുന്ന ഒരു കാര്യത്തിൽ ഉള്ള ഈ വലിയ അഭിപ്രായവ്യത്യാസം, കാണിക്കുന്നത് ഏറ്റവും ചെറിയ  കാര്യങ്ങളിൽ പോലും മറ്റ് മനുഷ്യർ  ശ്രദ്ധിച്ച് അർത്ഥം കാണുന്ന...
കൂടുതൽ‍ വായിക്കൂ